«Ես հստակ իմ տեղը տեսնում եմ հակաիշխանական ճամբարում». Արթուր Վանեցյան

««Հայրենիք» կուսակցությունն ի սկզբանե հայտարարել էր, որ, եթե լինեն ընտրություններ, և Նիկոլ Փաշինյանը շարունակի պաշտոնավարել, կմասնակցենք դրանց: Ընտրությունները դեռևս հայտարարված չեն, ֆեյսբուքյան գրառումը հիմք չէ ընտրություններ անցկացնելու կամ դրանց պատրաստվելու: Բան չմնաց, կարծում եմ՝ առաջիկա օրերին հարցը կհանգուցալուծվի ու երևի թե կունենանք արտահերթ ընտրություններ»,- Ծիծեռնակաբերդում լրագրողների հետ զրույցում ասաց «Հայրենիք» կուսակցության ղեկավար Արթուր Վանեցյանը: Թե ինչ ձևաչափով կմասնակցեն՝ Վանեցյանը զերծ մնաց մեկնաբանություններից. «Ես հստակ իմ տեղը տեսնում եմ հակաիշխանական ճամբարում, թե այդ ճամբարում ո՞ր ուժի հետ կհամագործակցենք, այս պահին որևէ էական բան չի փոխի»: