«Միլիոնավոր դոլարներ պիտի ծախսենք վերլուծական կենտրոններ ունենալու համար». Հայկ Սահակյան

«Քաղաքացու որոշում» կուսակցության անդամ Հայկ Սահակյանը ֆեյսբուքյան իր էջում գրել է. «Մենք միլիոնավոր դոլարներ պիտի ծախսենք՝ 1-2 բարձր մակարդակի վերլուծական կենտրոններ և հեղինակավոր վերլուծաբաններ ունենալու համար, որ հասկանանք՝ ինչ գործընթացներ են կատարվում մեր տարածաշրջանում և աշխարհում, ինչպես ենք մենք պատկերացնում մեր տեղն ու դերը տարածաշրջանում և աշխարհում, ինչպես չեզոքացնել մեզ խանգարող գործընթացները, ինչպես համադրել համընկնող պրոցեսները։
Թե չէ այսպես չի կարելի՝ անկախ մեր կամքից մեզ ուղիղ վերաբերող, մեր ամենացավոտ, ամենազգայուն տեղերին կպնում են, որոշումներ կայացնում, իսկ մենք բանից բեխաբար կամ հավերժ շնորհակալ ենք, կամ հավերժ դժգոհ ու այդպես էլ չենք հասկանում՝ խի, ոնց, ինչպես։
Անկախ ամեն ինչից, ԱՄՆ-ն հոտնկայս ծափահարությունների արժանի քաղաքական քայլ կատարեց»։