«Մեղքերից զերծ չենք եղել, բայց մենք մեզ թույլ տվե՞լ ենք լրագրողների կամ կոլեգաների հետ տենց խոսել». Շարմազանով

«Լավ, մենք հարյուր տարի պաշտոնյա ենք եղել, սխալներից, մեղքերից զերծ չենք եղել, բայց մենք մեզ թույլ տվե՞լ ենք լրագրողների կամ կոլեգաների հետ տենց խոսել, մենք մեզ թույլ տվե՞լ ենք ասել՝ դա ամայի տարածք ա, հայերինը չի»,- այս մասին այսօր «Հայելի» ակումբում՝ ասուլիսի ժամանակ, խոսելով գործող իշխանությունների մասին, ասաց ՀՀԿ խոսնակ Էդուարդ Շարմազանովը։

«Կամ ասում են՝ մենք ի՞նչ անենք, որ թուրքերը մեզ ատում են, բա մենք էլ ունենք երգեր, որոնք թուրք ազգի նկատմամբ թշամանք են տարածում, ասում ենք՝ Ստամբուլը արյան ծով սարքենք․․․ Ստամբուլը խի՞ ենք արյան ծով սարքում, արա՛, միլիոնուկես մորթել են մեզնից»,- նշեց Շարմազանովը։

Հիշեցնենք՝ իմքայլական պատգամավոր Վլադիմիր Վարդանյանը «Հանրային քննարկում» հաղորդման եթերում ասել էր. «Մեր բանակը պաշտպանում է ժողովրդին, այլ ոչ թե ամայի որոշակի տարածքներ»։