«Փաշինյաններն արհամարհեցին Արևմուտքի մեկնած ձեռքը․ մենք պարտավոր ենք դիմել ՄԱԿ-ի ԱԽ-ին»․ Ժ․ Սեֆիլյան

«Մենք պարտավոր ենք այս չպետության պատճառով, փաշինյանների արհամարհանքը, որ ցուցաբերվում է այս շաբաթների ընթացքում Արևմուտքից մեզ մեկնած ձեռքին,

մենք՝ հայերս, դիմենք ՄԱԿ-ի ԱԽ-ին, որ մեր երկրի անվտանգության երաշխավորությունն ստանձնեն իրենք»,- ԱԺԲ հանրահավաքում հայտարարեց Բևեռի անդամ Ժիրայր Սեֆիլյանը՝ ընդգծելով, որ առնվազն այս գաղափարի շուրջ պետք է կարողանան քաղաքական մյուս բոլոր ուժերի հետ միասին կոնսենսուսի գալ։

Սեֆիլյանը նշեց, որ վաղվանից ԱԺԲ-ն խորհրդատվությունների շարք է սկսելու հենց այս նպատակով՝ այս խնդիրը լուծելու համար։

Ցուցարաներն այս պահին Ֆրանսիայի դեսպանատան մոտ են․ «Մեր դիմումը կփոխանցենք Ֆրանսիային, որպեսզի նա օգնի մեզ, միջնորդի ՄԱԿ-ի ԱԽ խորհրդում Հայաստանի սահմանների անվտանգությունն ապահովելու գործում»,- հայտարարեցին հանրահավաքի կազմակերպիչները։