«Հարցն այլ է, թե ինչո՞ւ է Ռուսաստանը Ադրբեջանին նման «դաբրո» տվել»․ Դ․ Իոաննիսյան

ԻՔՄ ՀԿ հիմնադիր, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Տենաս այդ ո՞ւմ նկատի ունի Նիկոլ Փաշինյանը, երբ ասում է, որ Ադրբեջանը «ոմանց հետ նախապես համաձայնեցրել է» Հայաստանի տարածք մտնելը: Մոզամբիկի՞, Ուգանդայի՞:
Արդեն ակնհայտ է, որ ադրբեջանական բանակը Գեղարքունիքի ու Սյունիքի մարզեր է մտել Ռուսաստանի «դաբռոյով»: Հակառակ դեպքում կլիներ ՀԱՊԿ-ի ռելևանտ արձագանքը:
Հարցն այլ է, թե ինչո՞ւ է Ռուսաստանը Ադրբեջանին նման «դաբրո» տվել:
Ինձ թվում է, որ կա մի քանի վարկած, կամ, ավելի շուտ, դրանց հանրագումար.
ա) Մեղրիով «միջանց» պահանջելու համար.
Ռուսաստանը ուզում է սիրաշահի Ադրբեջանին ու ներքաշի ՀԱՊԿ ու ԵԱՏՄ: Դա վաղուց գաղտնիք չէ: Այդ կառույցներում Ադրբեջանը շատ ավելի ցանկալի է, քան Հայաստանը (արժեքներ, չափեր, պատուհան դեպի Թուրքիա և այլն): Արդ, բնականաբար, Ռուսաստանը հանգիստ կարող է զոհաբերել «իր դաշնակցի» Սյունիքը՝ ավելի մեծ դաշնակից ստանալու համար:
բ) Ընտրությունների վրա ազդելու համար.
Մի քանի շաբաթից Հայաստանում ընտրություններ են և ո՜չ Ռուսաստանին ու ո՜չ էլ Ադրբեջանին ձեռք չի տալիս, որ այստեղ որակյալ ընտրություններով լեգիտիմ իշխանություն ձևավորվի: Ըստ այդմ, արվում է մի քայլ, որով մեր հանրությունը զրկվում է հանգիստ սառը դատելու ու նորմալ մթնոլորտում քվեարկելու հնարավորությունից... Որպես արդյունք՝ մենք ունենալու ենք վատ ընտրություններ ու դրանցով ձևավորված թույլ իշխանություն (անկախ նրանից, թե ով կընտրվի):
Ի՞նչ կասեք»։