Կոչ ենք անում Ադրբեջանին տեղափոխել զորքերը մայիսի 11-ի դրությամբ եղած դիրքեր. ԱՄՆ Պետքարտուղարություն

ԱՄՆ Պետքարտուղարությունը կոչ է արել հարթել հայ-ադրբեջանական սահմանին տիրող իրավիճակը:
Հայտարարության մեջ, մասնավորապես, ասված է. «ԱՄՆ-ը մտահոգված է Հայաստանի և Ադրբեջանի միջազգային սահմանին տիրող վերջին զարգացումներով, այդ թվում՝ ադրբեջանական ուժերի կողմից մի քանի հայ զինվորների կալանավորմամբ:
Կոչ ենք անում կողմերին անհապաղ և խաղաղ եղանակով կարգավորել միջադեպը: Շարունակում ենք նաև կոչ անել Ադբեջանին՝ անմիջապես ազատ արձակել բոլոր ռազմագերիներին և այլ պահվող անձանց և հիշեցնում ենք Ադրբեջանին միջազգային մարդասիրական իրավունքի շրջանակում իր պարտավորվածությունների մասին, այն է՝ մարդկային վերաբերմունք դրսևորել բոլոր կալանված անձանց նկատմամբ:
Միացյալ Նահանգները սադրիչ և անհարկի է համարում ցանկացած տեղաշարժ Հայաստանի և Ադրբեջանի միջև միջազգային սահմանի չսահմանագծված հատվածներում: Մերժում ենք ուժի կիրառումը սահմանագծման նպատակով և կոչ անում երկու կողմին վերադառնալ իրենց նախկին դիրքեր և դադարեցնել ռազմական ամրացումները և ականների տեղադրումը չսահմանագծված սահմանին:
Մասնավորապես կոչ ենք անում Ադրբեջանին տեղափոխել զորքերը մայիսի 11-ի դրությամբ եղած դիրքեր: Հայաստանին ևս կոչ ենք անում տեղակայել իր ուժերը մայիսի 11-ի դրությամբ եղած դիրքերում և ողջունում ենք այդ նպատակով արվող հայտարարությունները:
Այս գործողությունները կնպաստեն լարվածությունների ապաէսկալացիային և պայմաններ կստեղծեն խաղաղ բանակցությունների գործընթացի համար՝ ուղղված սահմանագծմանը: ԱՄՆ-ն պատրաստ է աջակցել այս ջանքերին»:
Բացի այդ, հայտարարության մեջ ասվում է, որ ԱՄՆ-ը կողմերին կոչ է անում հնարավորինս շուտ վերադառնալ առարկայական բանակցություններին՝ ԵԱՀԿ ՄԽ համանախագահների հովանու ներքո՝ ԼՂ հակամարտությանը երկարաժամկետ քաղաքական լուծում գտնելու համար:

ՊԵԿ-ը հայտարարություն է տարածել
241Երեկ, 12:00
«Թափառող շների՝ մարդկանց, այդ թվում՝ երեխաների վրա պարբերաբար հարձակումների խնդիրն ավելի է սրվել»․ ՄԻՊ
244Երեկ, 10:24
Արարատ Միրզոյանը ԵՄ-ում ներկայացրել է «ԹՐԻՓՓ»-ի իրականացման ուղղությամբ Հայաստանի քայլերը
29816.11.2026, 19:24
Արգամ Աբրահամյանի վերաբերյալ քրեական վարույթը մեղադրական եզրակացությամբ ուղարկվել է հսկող դատախազին
30116.11.2026, 16:54
«Անթաքույց բռնությունն ու վիրավորանքը չեն կարող արդարացվել թեժ քննարկմամբ կամ ձևական անաչառությամբ»․ ՀՌՀ
25016.11.2026, 14:06
ՍԴ փոխնախագահ է ընտրվել Արթուր Վաղարշյանը
24316.11.2026, 13:18
Նիկոլ Փաշինյանը Պնոմպենում կմասնակցի Ֆրանկոֆոնիայի միջազգային կազմակերպության 20-րդ գագաթնաժողովին
44414.11.2026, 11:40
Հայտնի է, թե որ համարների ներքո հանդես կգան դեկտեմբերի 13-ի ՏԻՄ ընտրություններին մասնակցող ուժերը
44714.11.2026, 10:42