«Եթե այսպես շարունակվի, Որոտան գետի ակունքը նույնպես կանցնի Ադրբեջանի հսկողության տակ». Ն. Հոխիկյան

«Ճիշտ է՝ Ջերմուկում Ադրբեջանն այսօր տիրացել է Ալ լճերին, որոնք մեզ համար կյանքի արժեք ունեն, բայց դրանից ներքև Որոտան գետի ակունքն է, որը դեռևս մեր հսկողության տակ է: Եթե այսպես շարունակվի, այն նույնպես կանցնի Ադրբեջանի հսկողության տակ»,- այսօր լրագրողների հետ հանդիպման ընթացքում մտահոգություն հայտնեց լրագրող, կառավարման մասնագետ Նաիրի Հոխիկյանը:

«Եթե դա տեղի ունենա և Որոտանի ակունքն ամբողջությամբ անցնի հակառակորդի հսկողության տակ, ես ձեզ վստահեցնում եմ՝ Որոտան գետը շատ արագ կցամաքի, որովհետև ջրային պաշարներն ուղղելու են Քաշաթաղի կողմը, այնուհետև՝ դեպի Ադրբեջան»,- նկատեց նա:

Հոխիկյանը նշեց, որ Որոտան գետը մի քանի ջրամբարներ է սնում Սյունիքի մարզում: