«Անհրաժեշտ է կասեցնել համայնքների խոշորացման ծրագիրը». Վահե Հակոբյան

«Համաչափ զարգացած պետություն ունենալու համար առաջին հերթին պետք է ունենալ բարձրակարգ ու անցանելի ճանապարհներ»,- այսօր ելույթի ժամանակ հայտարարեց «Հայաստան» դաշինքի անդամ Վահե Հակոբյանը՝ հավելելով, որ իրենք ապահովելու են ՀՀ բոլոր համայնքների տրանսպորտային հասանելիությունը և աշխատելու են բեռնաթափել Երևանի ճանապարհները։ «Անհրաժեշտ է այս պահին կասեցնել խոշորացման ծրագիրը և վերլուծել արդեն իսկ տեղի ունեցած փոփոխությունների դրական և բացասական կողմերը։ Զբոսաշրջության ոլորտի վերականգնման համար նախատեսվում է պետական աջակցություն՝ հարկային արտոնությունների, պետություն-մասնավոր գործընկերության ծրագրերի, սուբսիդիաների և հարկերի վերադարձի մեխանիզմների տեսքով։ Մշակվելու են գյուղատնտեսության ոլորտի սուբսիդավորման նոր մոտեցումներ՝ առաջին հերթին նախապատվությունը տալով ֆերմերների հետ ուղղակի հարաբերություններին»,- ասաց նա: