Չորեքշաբթի, 18 նոյեմբերի, 2026 թ.
|
Ստեփանակերտում`   +9 °C

Երևանի ավագանին նոր անդամներ ունի

Երևանի ավագանին նոր անդամներ ունի
292
Երկուշաբթի, 31 մայիսի, 2021 թ., 15:40

«ԿԸՀ-ում ստացվել է Երևանի քաղաքապետի կողմից արձանագրություն, որով «Իմ քայլը» կուսակցությունների դաշինքի Երևան քաղաքի ընտրական ցուցակով ընտրված ավագանու անդամ Նարեկ Պետրոսյանի լիազորությունները համարվել են դադարեցված»,- այս մասին այսօր՝ ԿԸՀ արտահերթ նիստի ժամանակ, հայտարարեց Կենտրոնական ընտրական հանձնաժողովի նախագահ Տիգրան Մուկուչյանը՝ նշելով, որ ավագանու անդամի մանդատը տրվում է «Իմ քայլը» կուսակցությունների դաշինքի ընտրական ցուցակի հերթական հաջորդ թեկնածու Սուրեն Կառլենի Օհանյանին։

Մուկուչյանը նշեց, որ դադարեցվել է ևս մեկ ավագանու անդամի՝ «Իմ քայլը» կուսակցությունների դաշինքի Երևան քաղաքի ընտրական ցուցակով ընտրված Գևորգ Աճեմյանի լիազորությունները, որի մանդատը տրվել է «Իմ քայլը» կուսակցությունների դաշինքի ընտրական ցուցակի հերթական հաջորդ թեկնածու Մառլենա Մանուկի Ստեփանյանին։