«Փոխանակ ասեն, որ զինվորը տեսադիտարկող սարքերի, կապի միջոցների, սաղավարտների, զրահաբաճկոնների խնդիր է ունեցել, կոնֆետի ու ելակի համեմատություն են անում»․ Մ․ Իսրայելյան

Լրագրող Մկրտիչ Իսրայելյանը ֆեյսբուքյան իր էջում գրել է․ «Աբսուրդը գիտե՞ք՝ որն է, փոխանակ կանգնեն ասեն, որ մեր զինվորը միշտ գիշերային տեսադիտարկող սարքերի, կապի հասարակ միջոցների, որակյալ սաղավարտների ու զրահաբաճկոնների խնդիր է ունեցել, կանգնում ինչ-որ կոնֆետի ու ելակի համեմատություն են անում։
Ի դեպ, որպես լրագրողի՝ ինձ չափազանց դժվար կլինի համոզել, որ բանակի սննդակարգը վերջին երկու տարվա ընթացքում է փոխվել։ Գուցե մի քիչ ճաշացանկը ավելացել է, բայց բանակային սննդակարգը առնվազն վերջին 5 տարիներին էապես բարելավվել էր, ու էնպես չէր, որ զինվորը սոված էր»։