«Նրանք իմ դեմ են պայքարում, որովհետև որդիս գարեջուր է վաճառում ձեր որդիների նման»․ Փաշինյան

«Քանի գնում, այնքան հասկանալի է դառնում, որ պատերազմը և հետպատերազմական իրավիճակն ընդամենը առիթ էր։ Սա դասակարագային պայքար է դարձել, դարձել է էլիտարների կռիվ սեփական ժողովրդի դեմ»,- այսօր՝ Նոյեմբերյանում նախընտրական քարոզարշավի ժամանակ, հայտարարեց ՔՊ-ի թեկնածու Նիկոլ Փաշինյանը։
«Նրանք, այո,՛ իմ դեմ են պայքարում, որովհետև իմ որդին գարեջուր է վաճառում ձեր որդիների նման, որովհետև իմ որդին ձեր որդիներից իրեն վեր չի դասում և չի կարող դասել, իսկ դա խախտում է նրանց կառուցած բուրգը, որովհետև իրենց որդիները և իրենք պետք է վեր լինեն մնացած բոլորից, իրենք պիտի միլիոններ աշխատեն․․․»,- ընդդիմադիր քաղաքական ուժերի մասին խոսելիս ասաց Փաշինյանը։