«Պետք է ազատենք Հայաստանը օտարի ազդեցության գործակալներից». Արա Հակոբյան

«Ազգային օրակարգ» կուսակցության խորհրդի նախագահ Արա Հակոբյանի խոսքով՝ երկրի անվտանգության ապահովման մի քանի գործիք կա, առաջինը՝ բանակի արդիականացումն է ու նաև բանակաշինության նոր մոդելի ձևավորումը: «Միայն բանակը բավարար չէ. անհրաժեշտ է համապատասխան փոփոխություններ իրականացնել նաև անվտանգային մարմիններում, մասնավորապես ԱԱԾ-ում: Պետք է ստեղծենք մեր անվտանգության հայկական դպրոցը, պետք է կարողանանաք անվտանգային մարմինների աշխատանքի միջոցով ազատենք Հայաստանն օտարի ազդեցության գործակալներից, և վերջինը՝ բարեփոխումներ իրականացնել ոստիկանության համակարգում. ոստիկանության ենթակայությունը դարձնել ավելի քաղաքական, ոչ թե անձի՝ տվյալ դեպքում վարչապետի ենթակայության տակ»,- հավելել է Արա Հակոբյանը: