«Նիկոլի հանրահավաքին բերման են ենթարկվել նաև հոգեկան առողջության խնդիրներ ունեցող մարդիկ». Աշոտյան

«Պատիվ ունեմ» դաշինքի ներկայացուցիչ Արմեն Աշոտյանն ասուլիսի ժամանակ հայտնեց, որ Նիկոլ Փաշինյանի երեկվա հանրահավաքին ներկա գտնվող անձինք ինքնակամ չեն եկել Հանրապետության հրապարակ. «Տասնյակ ահազանգեր ստացել եմ միայն ես: Հրապարակ են բերման ենթարկվել նաև հոգեկան առողջության հետ խնդիրներ ունեցող մարդիկ, խոսքը Սևանի հոգեբուժարանի մի շարք հիվանդների մասին է: Սա պարզապես քաղաքական թրաֆիքինգ է: Սա ցույց է տալիս, թե բարոյական ինչ գծեր է հատել այս վիժվածքների խունտան: Անգամ այսքանից հետո հրապարակը լցնել չհաջողվեց: Սա խոսում է այն մասին, որ իշխանության վերջին՝ վարչական ռեսուրսը նույնպես չի աշխատում»,- ասաց նա: