Ջասթին և Հեյլի Բիբերները հանդիպել են Ֆրանսիայի նախագահի հետ՝ խախտելով դրես կոդը

27-ամյա երգիչ Ջասթին Բիբերը և նրա կինը՝ 24-ամյա մոդել Հեյլին Ելիսեյան պալատում հանդիպել են Ֆրանսիայի նախագահ Էմանուել Մակրոնի և առաջին տիկնոջ հետ:
Տեղական լրատվամիջոցները գրում են, որ արտիստները Մակրոնի հետ քննարկել են երիտասարդների խնդիրները.
Զույգի այցը համընկել է Fête de la musique քաղաքային երաժշտական փառատոնի մեկնարկի հետ, որն անցկացվում է 1982 թվականից։

Սակայն հանդիպումն առանց սկանդալի չի անցել։
Երբ հանդիպման լուսանկարները հայտնվել են համացանցում, օգտատերերը սկսել են քննարկել, թե աստղային զույգի զգեստները որքանով են համապատասխանում գործարար էթիկետին ու կանոններին:

Հեյլին նման միջոցառման համար բավականին անկեղծ, բեժ գույնի զգեստ է ընտրել LaQuan Smith-ից՝ որովայնի և մեջքի հատվածում եռանկյունի բացվածքով։ Նա կերպարը լրացրել է Femme սանդալներով և Little Liffner պայուսակով։
Ջասթինը հագել է Celine-ից դասական կոստյում՝ միևնույն ժամանակ արձակած թողնելով վերնաշապիկի վերևի կոճակներն ու մոռանալով փողկապի մասին։ Բացի այդ, դասական կոշիկների փոխարեն արտիստը նախապատվությունը տվել է սպիտակ-երկնագույն «նայքերին»»։