«Կալանքներ պիտի դրվեն Ալիևի, նրա կլանի, ընտանիքի բանկային հաշիվների վրա». Նաիրա Զոհրաբյան

«Ես առանձնազրույց եմ ունեցել Ստրասբուրգում պատվիրակության ղեկավար Սամադ Սեյիդովի հետ. Ադրբեջանի դիրքորոշումը մնում է նույնը՝ Ադրբեջանում շարունակվում է մեր ռազմագերիների դատավարությունը, որոնց առաջադրված է ամենածանրագույն մեղադրանքները»,- ԱԺ արտահերթ նիստում հայտարարեց ԲՀԿ պատգամավոր Նաիրա Զոհրաբյանը:

«Ադրբեջանի ղեկավարը հստակ նշել է՝ գերեվարված անձանց մասին քննարկում հայկական կողմի հետ կարող է լինել միայն այն դեպքում, եթե Հայաստանը ճանաչի Ադրբեջանի տարածքային ամբողջականությունը, բնականաբար, Արցախի գրավյալ 75 տոկոսը ներառյալ»,- ասաց պատգամավորը:

«Մեր դիրքորոշումը հստակ է՝ Ադրբեջանի հանդեպ պետք է կիրառվեն կոնկրետ պատժամիջոցներ»,- նշեց նա:

Զոհրաբյանի խոսքով՝ «Նավալնու պրիչոսկան խառնվում ա Եվրոպայի խորհուրդը Ռուսաստանի հանդեպ պատժամիջոցներ է կիրառում, զրկում է Ռուսաստանին ձայնի իրավունքից»:

ԲՀԿ-ական պատգամավորը կարծիք հայտնեց, որ կալանքներ պիտի դրվեն Ալիևի, նրա կլանի, նրա ընտանիքի բանկային հաշիվների վրա: «Դա մենք կարող ենք անել, և ես դիմում եմ խորհրդարանում ներկայացված քաղաքական ուժերին՝ միասնական հայտարարությամբ կամ ուղերձով դիմել միջազգային կառույցներին և նշել այն կոնկրետ պատժամիջոցները, որ պիտի կիրառվեն Ադրբեջանի հանդեպ»: