«Նվեր Հայաստանից»․ Քիմ Քարդաշյանն այցելել է Վատիկան և շրջել Fendi նորաձևության տանը

2566

Չորեքշաբթի, 30 հունիսի, 2021 թ., 16:48

Ամերիկահայ աստղ Քիմ Քարդաշյանը շարունակում է իր հանգիստը Հռոմում, գրում է Daily Mail-ը։ Պարբերականը նշում է, որ նրան նկատել են նաև Fendi նորաձևության տուն այցելելիս։ Նշվում է, որ Քարդաշյանը հայտնի մոդել Քեյթ Մոսի հետ Վատիկան այցելելիս խախտել է դրեսկոդի կանոնները։
40-ամյա հեռուստաաստղը կրել է սև, նեղ զգեստ՝ ցուցադրելով իր դեկոլտեն։
Նա իր հագուստի հետ համադրել է մուգ կարմիր ժակետն ու երկարաճիտ սանդալները։
KKW Beauty-ի հիմնադիրն իր երկար մազերն արձակած է թողել՝ կրելով մուգ կապույտ արևային գլխարկ:
Նորաձևության տուն այցելելիս, նրան ողջունել է Fendi-ի ներկայացուցիչը։ Նշվում է, որ Քարդաշյանի՝ նորաձևության տուն այցելության պատճառը հայտնի չէ։
Քիմն իր Instagram-յան էջում, ցուցադրել է Fendi-ից ստացած բազմաթիվ նվերները։
Ցուցադրել է նաև Վատիկանի ցնցող ճարտարապետությունն, ինչպես նաև մի քանի ուշագրավ արտեֆակտներ․ Քարդաշյանը Վատիկանում ոսկե պանակեի նկարն է հրապարակել՝ նշելով՝ «Նվեր Հայաստանից»։
Պարբերականը գրում է, որ Վատիկան կատարած այցի ժամանակ, Քիմը չի հետևել խիստ դրես-կոդին, որի համաձայն հագուստը պետք է ծածկի ծնկներն ու ուսերը, պետք է լինի առանց բացվածքների։