«Ափսոսում եմ. մերոնք կարող են պատվաստվել էդ դեղերը, բայց օտարներն են պատվաստվում». Լևոն Բարսեղյան

«Ասպարեզ» ակումբի խորհրդի նախագահ Լևոն Բարսեղյանը ֆեյսբուքյան իր էջում գրել է. «Մի բան հարցնեմ, իրանցիները կամ այլ հյուրերը, որ պատվաստվում են, երկրորդ անգամ էլ են գալո՞ւ, երկրորդ սրսկման համար (կարծեմ, զույգ ասեղ է պատվաստումը՝ որոշ բացառություններով): Եթե այո, չարժե՞, զբոսաշրջության պլանավորման նկատառումներով հաշվարկներ անել զբոսաշրջային բիզնեսի մարդկանց տվյալներ տալ, թե քանի հյուր, երբ է սպասվում:
Ու մի բան էլ, զանազան դավադրական պատմություններ կան դեռ հնուց, գիտական բժշկությունից առաջ նույնիսկ ֆռում էին էդ պատմությունները: Ձեր իրավունքն է, անշուշտ, պատվաստվել կամ չպատվաստվել, բայց իմ խորհուրդն է պատվաստվել: Հայի ետի խելքի պատմությունը չկրկնվի: Շուտով կպատմեմ իմ քովիդ-19-ի մասին, ծանր բան էր, էդ թունելով էլ անցա 3 ամիս առաջ, մեկուկես ամիս առաջ պատվաստվեցի, երկրորդ սրսկումս երկու շաբաթից է: Ափսոսում եմ մի քիչ, որ մերոնք կարող են պատվաստվել էդ դեղերը, բայց օտարներն են պատվաստվում»: