«Եթե ՍԴ-ն չեղարկի ընտրության արդյունքները, իշխանությունը չի ենթարկվի այդ որոշմանը». Նաիրի Հոխիկյան

Լրագրող Նաիրի Հոխիկյանը ֆեյսբուքյան իր էջում գրել է. «Հայաստանում իշխանությունը պատկանում է մի քաղաքական ուժի, որի նախարարների համար արժեք չունեն նույնիսկ վճռաբեկ դատարանի որոշումները, որի համար իրեն ցանկալի որոշումները կայացվում են ոչ թե օրենքի ու պետականության գերակայությամբ, այլ փողոցում՝ փողոցի աղմուկով և սուլոցներով։
Կարծում եմ, եթե նույնիսկ ՍԴ-ն որոշում կայացնի ամբողջությամբ կամ մասամբ չեղարկել խորհրդարանական ընտրության արդյունքները, իշխանությունը կհայտարարի, որ ՍԴ-ն օբյեկտիվ չի, նախկինների համար է աշխատում, հետևաբար իր համար արժեք չունի, և ինքը չի ենթարկվի գերագույն դատարանի որոշումներին, կգնա քաղաքական ռեպրեսիաների նոր փուլի՝ լավ իմանալով, որ արտաքին ուժերը հիմա աչք կփակեն, որպեսզի դրանց փոխարեն հայկական պետականությունից քամեն իրենց ցանկալի պտուղները»: