«Իշխանությունը թույլ չի տալիս խտանյութի արտահանումը». Վահե Հակոբյանը՝ Զանգեզուրի կոմբինատի մասին

«Հայաստան» դաշինքի առաջնորդներից Վահե Հակոբյանն ասուլիսի ժամանակ հայտնեց, որ իրավապահ մարմինները նախօրեին լքել են Զանգեզուրի պղնձամոլիբդենային կոմբինատը: Հակոբյանը նշեց, որ 12 օրից ավելի է՝ իշխանությունները թույլ չեն տալիս խտանյութի արտահանումը, ինչը բերում է որոշ խնդիրների և վնասների։ «Իսկ ընդհանուր առմամբ, մարզում շարունակվում է իրավապահ մարմինների տեռորը. հարցաքննությունների են հրավիրվում մեծից պուճուր, տարեցներ, կանայք, ու եթե հետևել եք, մեծ տարածքում ստացան Քարահունջի և Որոտանի տեսանյութերը, որտեղ մարդիկ ասում էին, որ իրենցից ցուցմունքներ են կորզում: Հիմա էլ քննչական մի քանի խմբեր են աշխատում, որոնք նույն կերպ փորձում են ցուցմունքներ կորզել սյունեցիներից»,- ասաց նախկին մարզպետը: