«Էս քաղաքական հավասարման մեջ մեկ օղակ է մնացել կայուն»․ Արշալույս Մղդեսյան

«Մեդիա կենտրոն» ծրագրի խմբագիր-համակարգող Արշալույս Մղդեսյանը ֆեյսբուքյան իր էջում գրել է. «Կար ժամանակ, երբ Վահե Գրիգորյանը Սահմանադրական դատարանում ընդդիմության անունից վիճարկում էր ընտրությունների արդյունքները։
Այդ ժամանակ Արդարադատության նախարար Դավիթ Հարությունյանը, ԿԸՀ նախագահ Տիգրան Մուկուչյանը պատասխանում ու հակադարձում էին։
Որպես լրագրող՝ լուսաբանել եմ էդ նիստերը։ Դավիթ Հարությունյանը մեկ-մեկ շատ պատկերավոր օրինակներով ու անալոգիաներով էր հակադարձում, բարդ իրավաբանական լեզվից հեռանում էր։
Հիմա էլ ՍԴ-ում ընտրությունների արդյունքներն են վիճարկվում։ Ուղղակի Վահե Գրիգորյանը ՍԴ դատավոր է և հարցեր է ուղղում Դավիթ Հարությունյանին, որը Վահե Գրիգորյանի դիրքում է հայտնվել։
Էս քաղաքական հավասարման մեջ մեկ օղակ է մնացել կայուն՝ Տիգրան Մուկուչյանը»։