Իշխանություններն ամեն գնով փորձում են կոտրել Իշխան Սաղաթելյանին և կռիվ գցել ընդդիմության երկու թևերի միջև. «Հրապարակ»

«Հրապարակ» թերթը գրում է. «Իշխանություններն ամեն գնով փորձում են կոտրել Իշխան Սաղաթելյանին և կռիվ գցել ընդդիմության երկու թևերի միջև։ Երեկ երկու անգամ անընդմեջ տապալվեց Սաղաթելյանի քվեարկությունը՝ ամեն անգամ մի քանի քվեաթերթիկ անվավեր էր քվեարկվում։

ՔՊ-ականները մեղքը բարդում էին ընդդիմության վրա, թե դավաճաններին ձեր մեջ փնտրեք։ Ապա սկսեցին գործարքներ առաջարկել՝ «դուք մի մասնակցեք քվեարկությանը, մենք անհրաժեշտ ձայներով կընտրենք ձեր թեկնածուին»։

Ընդդիմադիրների դեմքերից թեև զգացվում էր, որ նեղված են, բայց պնդեցին, որ չեն ընկրկելու ու թույլ չեն տալու իրենց դավադիր գործարքների մեջ ներքաշել և հստակ հայտարարեցին՝ քաղաքական սակարկության չենք գնա, ձեզնից քվե չենք մուրա, թեկնածուին չենք փոխի․ ուզում եք ընտրել՝ ընտրեք, չեք ուզում՝ ձեր մուրը ձեր գլուխը»։

Մանրամասները՝ թերթի այսօրվա համարում: