«Նվազագույն աշխատավարձը սահմանել 85 հազար դրամ, վերացնել ծայրահեղ աղքատությունը». Փաշինյան

«Մինչև 2026 թվականը կառավարության տնտեսական թիրախներն են՝ համախառն ներքին արդյունքի տարեկան միջին աճի նվազագույն մակարդակը՝ 7 տոկոս, բարենպաստ արտաքին տնտեսական պայմաններում՝ 9 տոկոս, ֆորմալ հատվածի ոչ պետական ոլորտի աշխատավարձի և դրան հավասարեցված այլ վճարումների ֆոնդը հասցնել համախառն ներքի արդյունքի 25 տոկոսի, և 10 տոկոսից ցածր գործազրկության մակարդակ ապահովել»,- Կառավարության նիստի ընթացքում՝ անդրադառնալով քաղաքացիների սոցիալական վիճակի բարելավման՝ 2021-26 թթ ծրագրին, ասաց ՀՀ վարչապետ Նիկոլ Փաշինյանը:

Նրա խոսքով՝ նվազագույն կենսաթոշակի միջին չափերը պետք է հավասարեցնել համապատասխանաբար պարենային և սպառողական զամբյուղների արժեքներին։ «Նվազագույն աշխատավարձը սահմանել 85 հազար դրամ, վերացնել ծայրահեղ աղքատությունը։ Սրանք բավականին լավ թիրախներ են, մեզանից լրջագույն ջանքեր են պահանջվելու այս թիրախները պատշաճ ձևով կյանքի կոչելու համար»,- նշեց վրաչապետը։