«Հայաստանի կանանց շախմատը տարավ իր ամենամեծ անհատական հաղթանակը»․ Բ․ Նավասարդյան

Երևանի մամուլի ակումբի նախագահ Բորիս Նավասարդյանը ֆեյսբուքյան իր էջում գրել է. «Հայաստանի կանանց շախմատը տարավ իր ամենամեծ անհատական հաղթանակը։ Վերջապես, Էլինա Դանիելյանն իրացրեց իր հսկայական ներուժը՝ դառնալով Եվրոպայի չեմպիոնուհի․11 պարտիաներից Էլինան հաղթեց յոթում, չորսում հաշտություն կնքեց և միանձնյա գրավեց առաջին տեղը։ Բարձր արդյունքներ ցույց տվեցին մեր երկու պատանի շախմատիստուհիները։ 20-ամյա Աննա Սարգսյանը հինգերորդն էր, դառնալով մեր երրորդ մարզուհին, ում հաջողվեց հաղթահարել 2400 միավորի շեմն ընթացիկ վարկանիշային աղյուսակում։ Իսկ 17-ամյա Մարիամ Մկրտչյանը բարձրացրեց իր վարկանիշը միանգամից 140.8 միավորով։ Իհարկե, պետք է հաշվի առնել, որ մրցաշարում չմասնակցեցին մեկ տասնյակ Եվրոպայի ուժեղագույն շախմատիստուհիները։ Սակայն, դա չի խանգարում սպասել մեր աղջիկների նոր հաջողություններին, առնվազն 2003-ի արդյունքի կրկնությանը, երբ դարձել էին Եվրոպայի թիմային առաջնության հաղթողներ»։