«Սեյրան Օհանյանը շիշ շպրտեց իմ ուղղությամբ և ասաց՝ դավաճանները դուք եք»․ Հայկ Սարգսյան

Պատգամավորների ծեծկռտուքի հետևանքով ընդմիջված ԱԺ նիստը վերսկսկել է աշխատանքը։ ՔՊ-ական Հայկ Սարգսյանը նիստի մեկնարկին ելույթով պարզաբանեց, թե ինչու է «Հայաստան» խմբակցության պատգամավոր Սեյրան Օհանյանը շիշը նետել իր ուղղությամբ։

«Նշեցի, որ Սերժ Սարգսյանի և Ռոբերտ Քոչարյանի կառավարման տարիներին, ում խմբակցություններն այստեղ նստած են և փորձում են ամբողջ մեղքը բարդել հեղափոխության վրա, Հայաստանի և Ադրբեջանի ռազմական դիսբալանսը գնալով աճել է, և իմ ելույթի ժամանակ Սեյրան Օհանյանը նշեց, որ՝ դուք բանակը քանդել եք, որին ի պատասխան, Սեյրան Օհանյանի անունը չնշելով, հայտարարեցի՝ բոլոր այն նախարարները, որոնց օրոք փողով կամ զանգով բանակից մարդ է ազատվել, նրանք հայրենիքի դավաճաններ են, ինչին ի պատասխան Սեյրան Օհանյանը շիշ շպրտեց իմ ուղղությամբ և ասաց՝ դավաճանները դուք եք»,- նշեց Սարգսյանը։