«Զանգեզուրի կոմբինատի 12,5 տոկոս սեփականատեր Զուրաբովը դատի է տալիս կոմբինատին». Հակոբ Բադալյան

Քաղաքական մեկնաբան Հակոբ Բադալյանի գրառումը․ «Իսկ այդ ընթացքում, ՌԴ առողջապահության նախկին նախարար, 2020 թվականից Զանգեզուրի կոմբինատի 12,5 տոկոս սեփականատեր Զուրաբովը դատի է տալիս Զանգեզուրի կոմբինատին և պահանջում այն բաժնետոմսերը, որ տնօրինում է կոմբինատը՝ 75 տոկոս: Զուրաբովը նաև հայց է ներկայացրել կոմբինատի այլ 12,5 տոկոսի բաժետեր ընկերության դեմ, որտեղ է «Հայաստան» դաշինքի պատգամավոր Վահե Հակոբյանի եղբայրը: Իսկ Զուրաբովի հայցը պաշտպանում է փաստաբանական ընկերություն, որի ներկայացուցիչներից էր նաև Ռոբերտ Քոչարյանի փաստաբան Արամ Օրբելյանը, որը այժմ պաշտպանելու է Զուրաբովի հայցը:
Սրանք հետաքրքիր զարգացումներ են մի շարք առումներով: Ի դեպ, այստեղ հարկ է նկատել 2021 թվականի մարտին կառավարությունում հանդիպումը, մեդիայում քիչ նկատված հանդիպումը՝ վարչապետ Փաշինյանն ընդունել էր Զուրաբովին: Դեռ այն ժամանակ հոդված գրեցի՝ մատնանշելով Զուրաբովի՝ Զանգեզուրի փայատեր լինելու հանգամանքը, թեև հանդիպման պաշտոնական հաղորդագրությունում կոմբինատի մասին չկար խոսք: Հոդվածն այն մասին էր, թե Փաշինյանի հետ Զուրաբովի հանդիպումը ի՞նչ զարգացումների կարող է բերել մասնավորապես Կոմբինատի առնչությամբ, ընդ որում թե՛ տնտեսական, թե՛ քաղաքական շերտավորում ունեցող զարգացումներ»: