«Բա որ մոտը զենք լիներ ու զենքով կրակեր». Անդրանիկ Քոչարյան

Այսօր Հանրային հեռուստաընկերության եթերում ՔՊ-ական պատգամավոր Անդրանիկ Քոչարյանն անդրադարձավ այսօր ԱԺ-ում տեղի ունեցած ծեծկռտուքին:

«Ակնհայտ է՝ էսօրվա դեպքերն ինչպիսի զարգացում ստացան: Գեներալ-գնդապետի ուսադիրներ կրող մեր հայտնի Պաշտպանության նախկին նախարարը, ըստ էության, չկարողացավ իրեն տիրապետել և անհաջող շշանետում կատարեց, ընդ որում՝ ոչ դիպուկահար ուղղվածությամբ: Դրանից առաջ ելույթ էր ունենում մեր գործընկերը՝ Հայկ Սարգսյանը: Շատ հանգիստ ելույթ էր ունենում, պարզապես նշեց,որ այն բոլոր նախարարները, որոնց օրոք տեղի են ունեցել բանակից ազատում դրամի դիմաց, դրանք բոլորը պետք է համարվեն ազգի դավաճան: Սեյրան Օհանյանը դա դիտեց որպես անձնական վիրավորանք՝ իր վրա վերցնելով նաև իրենից առաջ և հետո եղած բոլոր նախարարների հետ կապված նմանատիպ տեսակետները»,- հարցազրույցի ժամանակ ասաց Քոչարյանը՝ վերջում հավելելով՝ «Բա որ մոտը զենք լիներ ու զենքով կրակեր»:

Մանրամասները՝ տեսանյութում: