«Անդրանիկ Քոչարյանը դատավոր չէ ո՛չ իմ գլխին, ո՛չ էլ մնացածի գլխին»․ Սեյրան Օհանյան

«Ես չէի ուզենա իջնել այն մակարդակին, ինչ իր գործունեության մեջ ծավալում է Անդրանիկ Քոչարյանը։ Կարող եմ միայն ասել, որ այդ տունն ինձ չի պատկանում, թող պարզեն՝ ում է պատկանում»,- Հ1-ի տաղավարում, անդրադառնալով նախօրեին ՔՊ-ական Անդրանիկ Քոչարյանի բարձրացրած հարցին, թե Վահագնի թաղմասում թանկարժեք տուն է կառուցում, ասաց «Հայաստան» խմբակցության պատգամավոր Սեյրան Օհանյանը։

«Անդրանիկ Քոչարյանը դատավոր չէ ոչ իմ գլխին, ոչ էլ մնացածի գլխին․ սա՝ մեկ․ երկրորդ՝ Անդրանիկ Քոչարյանը շեղում է այդպիսի հարցադրումներով իր հիմնական գործունեությունը։ Թող ինքն արտագնա նիստեր անցկացնի այսօրվա սահմաններում, այն վտանգավոր վայրերում, որ մենք անընդհատ զիջում ենք Ադրբեջանին»,- նշեց Օհանյանը՝ հավելելով, որ խորհրդարանական վերահսկողության շրջանակներում իր կառավարած հանձնաժողովն այլ խնդիրներ ունի։