«Երկու օր «քննարկում ենք» ԱԺ տուրուդմփոցը, Գորիս-Կապան ճանապարհի հարցը, այնինչ՝ դրանք հետևանքներ են»․ Գարեգին Միսկարյան

«Քաղաքացու որոշում» սոցիալ-դեմոկրատական կուսակցության անդամ Գարեգին Միսկարյանը ֆեյսբուքյան իր էջում գրել է. «Պետք է հասկանալ, որ մեր, որպես քաղաքացիների, գործը պետություն ստեղծելն է, պետությունը կայացնելը։ Իսկ մեզ համար անվտանգային կայուն համակարգ ստեղծելը պետության գործառույթն է։ Եթե ամեն քաղաքացի ինքնություն կարողանար անվտանգության հարց լուծեր, էլ պետություններ չէին ստեղծվի։
Մեզ ամեն կերպ փորձում են ներքաշել հետևանքների քննարկման դաշտ, որ մենք պետական համակարգերի, ինստիտուտների մասին չխոսենք, չմտածենք։ Որ մենք չխոսենք սահմանադրական կարգի հաստատման մասին։ Որ չքննարկենք կառավարման ապակենտրոնացման անհրաժեշտության հարցը, որ չխոսենք ժողովրդավարական արժեքների կարևորությունից և դրան հասնելու հնարավոր քայլերից։
Մենք երկու օր «քննարկում ենք» ԱԺ տուրուդմփոցը, երկու օր «քննարկում ենք» Գորիս Կապան ճանապարհի հարցը, այնինչ՝ դրանք հետևանքներ են։ Մեզ խնդիրների մասին է պետք մտածել, պատճառները վերացնել, ոչ թե հետևանքների հետևից վազել։
Օրինակ, ինչպես կայացնել քաղաքական դաշտը, սրա մասին խոսացող կա՞»։