Հինգշաբթի, 29 հոկտեմբերի, 2026 թ.
|
Ստեփանակերտում`   +9 °C

«Գործարանները հրաժարվում են խաղող ընդունել, մթերման գինն էլ ցածր է». խաղողագործները կրկին ճանապարհ են փակել

«Գործարանները հրաժարվում են խաղող ընդունել, մթերման գինն էլ ցածր է». խաղողագործները կրկին ճանապարհ են փակել
565
Երկուշաբթի, 06 սեպտեմբերի, 2021 թ., 16:30

«Հայաստանում չեն լինելու խաղողագործներ, որոնք չեն կարողանալու խաղողն իրացնել»,- Կառավարության վերջին նիստի ժամանակ հայտարարել էր փոխվարչապետ Սուրեն Պապիկյանը: Նա նշել էր, որ պետք է ամենօրյա ռեժիմով աշխատել այս ուղղությամբ, որպեսզի չլինեն փակված փողոցներ, ակցիաներ:

Նախօրեին Արարատի մարզի գյուղերի խաղողագործներն էին բողոքի ակցիա իրականացնում, այսօր՝ Արագածոտնի մարզի Ուջան համայնքի բնակիչները: Արարատցիները բողոքում էին մթերման ցածր գնից: Նրանք վերջնաժամկետ էին տվել Կառավարությանը՝ մթերման գին սահմանելու համար:

Ուջանցիների խոսքով էլ՝ գործարանները հրաժարվում են խաղող ընդունել: «Խաղողի գործարանների կեսը հրաժարվում ա ընդունել, ասում ա՝ անցած տարվանից հորերը լիքն ա, որն էլ որ ընդունում ա՝ 115 դրամ ա ասում... Պահանջում ենք, որ մարզի ղեկավարությունից, նախարարությունից գան, մեր հարցերին պատասխանեն»,- ասում են գյուղացիները: