«Ովքեր տղաների հիշատակն օգտագործում են իրենց կեղտոտ խաղերի համար, անբարոյականներ են». Լյովա Եղիազարյան

«Հանրապետություն» կուսակցության անդամ Լյովա Եղիազարյանը ֆեյսբուքյան իր էջում գրել է. «Պատկերացնո՞ւմ եք, թե ինչ վայնասուն կբարձրացնեին ռևանշիստական խմբակները, եթե վարչապետը հայտարարեր, թե Անկախության տոնը չենք նշում։
Փրփուրները բերաններին կհայտարարեին, որ վարչապետը չի ընդունում անկախ Հայաստանի գոյությունը, չի հարգում բոլոր այն նահատակների հիշատակը, ովքեր զոհվեցին հանուն անկախության պահպանման, չի ուզում իր խոնարհումը բերել զոհվածների ծնողներին և հարազատներին։
Սա երեսպաշտությունից վատ բան է։ Սա լկտի ցինիզմ է։ Սա ներսում անկայուն վիճակ ստեղծելու փորձ է։
Ովքեր տղաների հիշատակը, նրանց ծնողներին օգտագործում են իրենց կեղտոտ խաղերի համար, անբարոյականներ են, բառիս ամենալայն իմաստով»: