«Այդ մարդը մի օր թուրքի կոշիկներն է լիզում, մյուս օրը՝ ադրբեջանցու». Աննա Մկրտչյան

ԱԺ «Պատիվ ունեմ» խմբակցության պատգամավոր Աննա Մկրտչյանը լրագրողների հետ ճեպազրույցում հայտարարեց, որ ցանկացած եղանակով փորձելու են հակազդել ՔՊ-ականների օրակարգին. «Այս մարդը ուղղակի թուրքի ու ադրբեջանցու կոշիկը լիզելով՝ մեկ մի օր է անցկացնում, մեկ՝ մյուս օրը»,- ասաց նա:

Սեպտեմբերի 26-ին ժամը 18։30-ին Գարեգին Նժդեհի հրապարակից կմեկնարկի ջահերով երթ դեպի «Եռաբլուր»։ Այն կազմակերպում է «Հայաստան» դաշինքը: Լրագրողները հետաքրքրվեցին՝ «Պատիվ ունեմ»-ը մասնակցելո՞ւ է երթին: Մկրտչյանն ասաց, որ խմբակցությունը հայտարարություն կտարածի: