Երկուշաբթի, 18 հոկտեմբերի, 2021 թ.
|
Ստեփանակերտում`   +12 °C

Արմեն Գրիգորյանը՝ «Փաշինյանից դրական ազդակներ ստանալու» մասին՝ Էրդողանի հայտարարության վերաբերյալ

Արմեն Գրիգորյանը՝ «Փաշինյանից դրական ազդակներ ստանալու» մասին՝ Էրդողանի հայտարարության վերաբերյալ
210
Շաբաթ, 25 սեպտեմբերի, 2021 թ., 19:18

ՀՀ Անվտանգության խորհրդի քարտուղար Արմեն Գրիգորյանը՝ Sputnik Արմենիայի հետ զրույցում անդրադարձել է Թուրքիայի նախագահ Ռեջեփ Թայիփ Էրդողանի՝ «Հայաստանից դրական ազդակներ ստանալու» մասին հայտարարությանը՝ մեկնաբանելով, թե ինչ է նկատի ունեցել Թուրքիայի նախագահը։
«Դրական ազդակները հրապարակային են եղել, և վերջին մեկ ամսվա ընթացքում Կառավարության գրեթե բոլոր նիստերին վարչապետը հրապարակային խոսել է Թուրքիայի հետ հարաբերությունների մասին․ դրական ազդակներ հենց դրանք նկատի ունի»,- նշել է Գրիգորյանը։
Հարցին, թե հնարավոր է խոսել հայ-թուրքական որոշակի օրակարգի մասին, ԱԽ քարտուղարը պատասխանել է․ «Հայ-թուրքական միակ օրակարգը հարաբերությունների կարգավորումն է, այլ օրակարգ այս պահին չկա․ դեռ շփումներ սկսել, հարաբերություններ ստեղծելու վերաբերյալ քննարկումներ ունենալն է»։

Արմեն Գրիգորյանը՝ «Հայաստանից դրական ազդակներ ստանալու» մասին՝ Էրդողանի հայտարարության վերաբերյալ