Ջահերով երթի մասնակիցները Եռաբլուրում են

Գարեգին Նժդեհի արձանի մոտից դեպի Եռաբլուր ջահերով երթը շարունակվում է: Առջևից քայլում է երկրորդ նախագահ Ռոբերտ Քոչարյանը՝ «Հայաստան» խմբակցության անդամների հետ:

«Այսօր՝ 44-օրյա պատերազմից ուղիղ 1 տարի անց մենք իրականացնում ենք այս խորհրդանշական երթը՝ դեպի Եռաբլուրի սրբատեղի՝ 44-օրյա պատերազմում հաղթելու գնացած մեր նվիրյալների հիշատակը վառ պահելու, նրանց գործը շարունակելու հանձնառությունը ստանձնելու: Այս երթի նպատակն է արձանագրել, որ մենք տերն ենք մեր նահատակների թափած արյան և իրենց գաղափարի ու նվիրումի արդյունքում գոյություն ունեցող մեր պետականության»,- հայտարարեցին կազմակերպիչները: