«ԱԱԾ-ն այդ ժամանակաշրջանում չունե՞ր օպերատիվ տվյալ»․ Հ․ Բադալյան

Քաղաքական մեկնաբան Հակոբ Բադալյանի գրառումը. «ԱԱԾ-ն տեղեկություն և պարզաբանում է տարածել պաշտպանության նախկին նախարար Տոնոյանի, Պատրոն Դավոյի, այլ պաշտոնյաների ձերբակալության և մեղադրանքի վերաբերյալ: Խոսքը անորակ սպառազինության մատակարարման, այն էլ բարձրացված գնով մատակարարման գործի մասին է: Անկասկած, պետք է չմոռանալ անմեղության կանխավարկածը: Միևնույն ժամանակ հետաքրքիր է թերևս մի հարց: Պարզ չէ, թե հատկապես ինչ ժամանակահատվածում տեղի ունեցած գործընթացի մասին է խոսքը, քանի՞ տարի ներառող, որ թվականից մինչև որ թվականը ծավալված, բայց՝ ԱԱԾ-ն հենց այդ գործարքների տեղի ունենալու ժամանակաշրջանում չունե՞ր օպերատիվ տվյալ, որպեսզի գործեր, այսպես ասած, տաք և կանխարգելիչ հետքով»: