«Ովքեր 3 տարի առաջ ասում էին՝ մենք ենք տերը մեր երկրի, այսօր ո՛չ երկրին են տեր կանգնում, ո՛չ ժողովրդին». Աննա Գրիգորյան

ԱԺ «Հայաստան» խմբակցության պատգամավոր Աննա Գրիգորյանն այսօրվա նիստի ժամանակ կրկին անդրադարձավ անվտանգային թեմաներին՝ նշելով՝ մի՞թե թիվ մեկ օրակարգը պետք է լինի «Հարկային օրենսգրքի» փոփոխությունները: «Սյունիքում իրավիճակը դրական որևէ առաջընթաց չի ունեցել. ադրբեջանցիները լայնածավալ շինարարական աշխատանքներ են իրականացնում: Ի՞նչ են կառուցում այնտեղ, որևէ մեկը պատկերացում ունի՞ ու ի՞նչ նոր վտանգներ կարող են այդ աշխատանքները ստեղծել մեր հայրենակիցների համար».- ասաց պատգամավորը՝ հավելելով. «Ովքեր 3 տարի առաջ ասում էին՝ մենք ենք տերը մեր երկրի, այսօր ո՛չ երկրին են տեր կանգնում, ո՛չ ժողովրդին»: