Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

Դանիբեկյանը մերժել է Ալեն Սիմոնյանի՝ Արմեն Գևորգյանի համար միջնորդությունը․ «Հրապարակ»

Դանիբեկյանը մերժել է Ալեն Սիմոնյանի՝ Արմեն Գևորգյանի համար միջնորդությունը․ «Հրապարակ»
424
Չորեքշաբթի, 06 հոկտեմբերի, 2021 թ., 09:18

«Հրապարակ» թերթը գրում է. «Պարզվում է՝ ԱԺ նախագահ Ալեն Սիմոնյանն ամեն ինչ արել է, որ «Հայաստան» դաշինքի պատգամավոր Արմեն Գեւորգյանը սեպտեմբերի 25-ից մինչեւ հոկտեմբերի 1-ը հայաստանյան պատվիրակության կազմում՝ իր գործընկերների հետ, մեկնի Ստրասբուրգ, մասնակցելու ԵԽԽՎ հերթական նստաշրջանին, սակայն դատարանն արգելել է պատգամավորին Հայաստանից հեռանալ։

Հայտնի է՝ Արմեն Գեւորգյանն անցնում է քրեական գործով, և դատարանը նրա նկատմամբ խափանման միջոց է ընտրել երկրից չհեռանալու մասին ստորագրությունը։ Մենք անդրադարձել ենք այս խնդրին, որ ընդդիմադիրները զրկվում են գործուղումների մեկնելուց։ ԵԽԽՎ նստաշրջանից առաջ ԱԺ նախագահը հատուկ գրություն է պատրաստել և միջնորդել դատարանին, որ թույլատրեն Գևորգյանի մեկնումը, սակայն դատավոր Աննա Դանիբեկյանը մերժել է։ Հայկ Մամիջանյանն էլ, գործընկերային համերաշխությունից ելնելով, հրաժարվել է այդ գործուղումից։
Պարզ է, որ դատավորն ինքնուրույն չի կայացրել այդ որոշումը: Մնում է պարզել, թե նրան հանձնարարություն տված անձն ինչու չի կանխել ԱԺ նախագահի՝ միջնորդություն ներկայացնելու քայլը, և ինչու են դատավորին դնում նման ծանր վիճակի մեջ»:

Առավել մանրամասն՝ թերթի այսօրվա համարում։