«ՀՀ-ում պետական տեղեկատվական քաղաքականության համար պատասխանատու մարդ կա՞». Հակոբ Բադալյան

Քաղաքական մեկնաբան Հակոբ Բադալյանի գրառումը. «Հայաստանում պետական տեղեկատվական քաղաքականության համար պատասխանատու մարդ կա՞, որը կապահովեր էս Բաքու-Նախիջևան չվերթի վերաբերյալ որևէ պարզաբանում:

Ընդ որում՝ որքան հասկանում եմ, գործ չունենք որևէ արտառոց, ու անգամ աննախադեպ իրավիճակի հետ, բայց տեղի է ունենում տեղեկատվության բավականին «հմուտ» մատուցում:

Նախ անհասկանալի կերպով, անորոշ աղբյուրներով տարածվում է, իբրև թե Իրանն իր երկինքը փակել է ադրբեջանական քաղաքացիական օդանավերի համար: Չկա այս տեղեկության պաշտոնական որևէ հաստատում, բայց դրա ֆոնին հմտորեն գնում է ադրբեջանցիների տարածած տեղեկությունը՝ Բաքու-Նախիջևանի մասին: Եվ ստացվում է հետևյալ տպավորությունը՝ Իրանը փակել է, մենք՝ բացել: Հետագա արձագանքները կարելի է պատկերացնել:

Եվ դա շատ «նորմալ» է, երբ չկա պետական տեղեկատվական քաղաքականություն, կամ դրա գոյության մասին վկայող ոչինչ»: