Երկուշաբթի, 23 փետրվարի, 2026 թ.
|
Ստեփանակերտում`   +5 °C

«Ձեզ ավելի մեծ դավաճան ու կապիտուլյանտ են անվանում․ կարող եք փռշտալ՝ որպես հաստատում»․ Փաշինյան

«Ձեզ ավելի մեծ դավաճան ու կապիտուլյանտ են անվանում․ կարող եք փռշտալ՝ որպես հաստատում»․ Փաշինյան
444
Չորեքշաբթի, 06 հոկտեմբերի, 2021 թ., 17:51

Այսօր՝ ԱԺ-Կառավարություն հարցուպատասխանի ժամանակ, «Հայաստան» խմբակցության պատգամավոր Արմենուհի Կյուրեղյանը, դիմելով վարչապետ Նիկոլ Փաշինյանին, նշեց, որ մեկ տարի առաջ՝ հոկտեմբերի 7-ին, Փաշինյանը հրաժարվեց պատերազմը կանգնեցնելու առաջարկից, որից հետո ունեցանք հազարավոր զոհեր։

«Ի՞նչ պատասխան եք տալու այն ծնողներին, որոնց աչքերին նայելով պիտի ասեք՝ գիտե՞ք, ես այդ մեծ կամքը չունեցա պատերազմը դադարեցնելու՝ թեկուզ ինձ դավաճան անվանելու գնով․․․ միևնույն է, այսքանից հետո ձեզ և՛ դավաճան են անվանում, և՛ կապիտուլյանտ»,- ասացԿյուրեղյանը։

«Ձեզ ավելի մեծ դավաճան և կապիտուլյանտ են անվանում, եթե դուք տեղյակ չեք․կարող եք փռշտալ՝ որպես հաստատում։ Ընտրությունների արդյուքները դրա մասին են վկայում և ձեր դավաճան ու կապիտուլյանտ լինելու մասին, կարծում եմ, առաջիկայում ավելի մանրամասն քննարկումներ կունենանք»,- պատասխանեց Փաշինյանը՝ նշելով, որ ինքը առաջարկից չի հրաժարվել, Ադրբեջանը չի հետևել պայմանավորվածությանը։

«Այո՛, ես ինձ մեղավոր եմ համարում՝ այդ թվում բանակը կոռումպացված տարրից չազատելու համար 2018-ից հետո»,- հավելեց նա։

Արմենուհի Կյուրեղյանին հայտարարվեց նախազգուշացում՝ ոչ պատշաճ բառապաշարի համար։