Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«ՀՀ-ն ձևական գոյությամբ և բովանդակությամբ մահացած աշխարհաքաղաքական ճեմուղի է». Կարպիս Փաշոյան

«ՀՀ-ն ձևական գոյությամբ և բովանդակությամբ մահացած աշխարհաքաղաքական ճեմուղի է». Կարպիս Փաշոյան
226
Չորեքշաբթի, 06 հոկտեմբերի, 2021 թ., 22:36

Հրապարակախոս Կարպիս Փաշոյանը ֆեյսբուքյան իր էջում գրել է․ «Այդ մարդը առավոտից գիշեր ինքն իրեն մոռացած խոսում է Քոչարյանի հարստություններից և Սերժ Սարգսյանի բադենբադեններից։
Այդ մարդուն պետք է հիշեցնել, որ ինչ էլ արած լինեն Քոչարյանն ու Սարգսյանը, նույնիսկ եթե ամենամահացու մեղքերը գործած լինեն, միևնույն է, նրանց օրոք Հայաստանի Հանրապետությունը դեռևս գոյություն ուներ։
Այդ մարդուն պետք է բացատրել, որ Քոչարյանի և Սարգսյանի հասցրած վնասները վերականգնելի և շտկելի են, իսկ ինքը անդառնալի և կործանարար հարված է հասցրել հայկական պետությանը։
Տեսանելի ապագայում Հայաստանը որևէ շանս չունի հասնել այն կարգավիճակին, ինչ կար՝ 2020 թ․-ի սեպտեմբերի 26-ին։
Այս պահի դրությամբ Հայաստանը ձևական գոյությամբ և բովանդակությամբ մահացած աշխարհաքաղաքական ճեմուղի է և ոչ ավելին»:

Աղբյուրը`   Կարպիս Փաշոյան