Տաթևիկ Ռևազյանի պարզաբանումը՝ ՀՀ օդային տարածքով ադրբեջանական ինքնաթիռի անցնելու մասին

Քաղավիացիայի կոմիտեի նախագահ Տաթևիկ Ռևազյանն այսօր Հանրային հեռուստաընկերության եթերում անդրադարձել է ՀՀ-ի տարածքով Նախիջևան անցած ադրբեջանական ինքնաթիռի դեպքին:

«Հայաստանը չի փակել իր օդային տարածքը, Անդրեբջանն էլ իրականում չի փակել իր օդային տարածքը հայկական փոխադրողների հանդեպ՝ բացառությամբ 44-օրյա պատերազմի»,- ասել է Ռևազյանը:

Ճշտող հարցին, թե այսինքն երբևէ Հայաստանը և Ադրբեջանը չեն փակել իրենց օդային տարածքը թռիչքների համար և անհրաժեշտության դեպքում հնարավորություն եղել է օգտվել միմյանց օդային ճանապարհներից, Քաղավիացիայի կոմիտեի նախագահը պատասխանել է. «Երբևէ չի փակվել:Ադրբեջանը դադարել է օգտագործել մեր օդային տարածքը 2014-ից, նրանց հարցրեք՝ ինչու: Իսկ թե ինչու մենք չենք օգտվել ադրբեջանական օդային ճանապարհից, պարզապես կոմերցիոն տեսանկյունից ձեռնտու չի եղել»,- ընդգծել է նա:

Մանրամասները՝ տեսանյութում: