«Ամբողջ աշխարհում ու հատկապես Եվրոպայում աճում է հեղուկ գազի կշիռը». Վահե Դավթյան
![]() 588 Երկուշաբթի, 11 հոկտեմբերի, 2021 թ., 16:24 «Մեկ Հայաստան» կուսակցության քաղխորհրդի անդամ Վահե Դավթյանը ֆեյսբուքյան իր էջում գրել է. «Եվրոպական գազի շուկայում ռուս-իրանական հնարավոր մրցակցության սրման ու դրա հետևանքով Սյունիքի հարցում Մոսկվայի պրոադրբեջանաթուրքական կեցվածքի մասին տարածվող թեզը բացարձակ մերկապարանոց է: Իսկապես, վերջերս Կասպից ծովի իրանական հատվածում հայտնաբերված Չալուս հանքավայրը տեսականորեն կարող է բավարարել եվրոպական պահանջարկի շուրջ 20%-ը: Ու իսկապես, այդ արտահանումն իրականացնելու համար առանցքային երթուղին տեսականորեն անցնում է Հայաստանով (Հյուսիս-Հարավ): Սակայն փաստենք, որ 1. այս հարցին մենք մոտենում ենք կոնվենցիոնալ գազամատակարարման տեսանկյունից, այսինքն՝ դիտարկում ենք իրանական գազի հնարավոր արտահանումը եվրոպական շուկա բացառապես խողովակաշարով: Մինչդեռ ամբողջ աշխարհում ու հատկապես Եվրոպայում գնալով աճում է հեղուկ գազի՝ LNG-ի կշիռը: 2025թ. այն հասնելու է մոտ 600 մլրդ խմ-ի: Կանխատեսվում է, որ ամեն տարի LNG սպառումն աշխարհում ավելանալու է 3,5%-ով՝ 2040թ. ստանալով նույն գեոտնտեսական կարգավիճակը, որն այսօր ունի նավթը: Հաշվի առնելով այս միտումները՝ Իրանը նոր հանքավայրի շահագործումը կապելու է LNG արտադրության հետ: Վերջինիս տեղափոխումն իրականացվում է առավելապես լցանավերով, որոնք կարող են Պարսից ծոցից հասնել Կարմիր ծով ու Սուեցով դուրս գալ Միջերկրական ծով, 2. Իրանը սեփական գազատրանսպորտային ռազմավարությունն այսօր առավելապես կապում է Ասիայի ու, մասնավորապես, Չինաստանի հետ, որն, ի դեպ, LNG սպառման գլխավոր մջազգային դրայվերն է: Դա առավել քան տեղավորվում է ս. թ. ապրիլին Պեկինի ու Թեհրանի միջև կնքված համաձայնագրի տրամաբանության մեջ: Դրա համաձայն, առաջիկա 25 տարվա ընթացքում Պեկինը նախատեսում է 400 մլրդ դոլարի ներդրում իրականացնել Իրանում՝ մեծ ամսամբ նավթագազային ոլորտում: Ու ամենևին պատահական չէ, որ իրանական նոր հանքավայրի երկրաբանական ու հորատման աշխատանքներում ներգրավված են հենց չինական ընկերությունները: Ի դեպ, այս հարցում Իրանին ֆինանսական ու տեխնիկական աջակցություն է ցուցաբերում նաև Ռուսաստանը: Մեծ հաշվով մենք գործ ունենք Իրան-Չինաստան-Ռուսաստան գեոռազմավարական եռանկյունու հետ, որի ներսում շահերը սինխրոնիզացված են, ինչի մասին վկայում է նաև պաշտոնական Թեհրանի դիվանագիտական խոսույթը»: Աղբյուրը` Վահե Դավթյան |
Թրամփը մաքսատուրքեր է սահմանում Ղազախստանից ներմուծվող ապրանքների վրա
61707.07.2025, 22:58«Չվերթների չեղարկումն ավիաընկերություններին ավելի քան 250 մլն դոլարի վնաս է պատճառել». #Коммерсантъ
57607.07.2025, 15:35«BRICS-ի նկատմամբ Թրամփի քաղաքականությունն ապագա չունի»․ Չինաստանի ԱԳՆ
61007.07.2025, 12:59«10% հավելյալ մաքսատուրք կսահմանվի BRICS-ին աջակցող երկրների նկատմամբ»․ Թրամփ
58707.07.2025, 11:10Հութիները Կարմիր ծովում խորտակել են հունական բեռնատար նավ
23207.07.2025, 00:12ԵՄ-ն հաջորդ շաբաթ կներկայացնի Իսրայելի դեմ պատժամիջոցները․ #Euractiv
54305.07.2025, 14:3224 մլն տարեկան եկամուտ, 2 բնակարան. ի՞նչ է հայտարարագրել Արարատ Միրզոյանը. «Ժողովուրդ»
39205.07.2025, 08:54ԱՄՆ-ի Քոնգրեսն ընդունել է Թրամփի «միասնական մեծ գեղեցիկ օրինագիծը»
105004.07.2025, 00:16