«Բացեք Փաշազադեի գրառումները և ՔՊ-ական խմբակինը, կտեսնեք՝ մեկին մեկ նման են». Գառնիկ Դանիելյան

«Բռնապետական ռեժիմը որքան էլ բռնաճնշումներն ավելացնի, ինչքան էլ որ սրբազաններ, բարերաներ, քաղաքական գործիչներ ձերբակալի, այս ամեն ինչի վերջը շուտով գալու է, բոլոր պատասխանատուներն արժանի պատիժը կրելու են, և մեր ազգը լուսավոր օրեր է ունենալու»,- այս մասին «Մեր ձևով» շարժման երթից հետո լրագրողների հետ զրույցում ասաց ԱԺ «Հայաստան» խմբակցության պատգամավոր Գառնիկ Դանիելյանը։

Անդրադառնալով Հայ Առաքելական Եկեղեցու դեմ ուղղված վերջին օրերի գործողություններին՝ Դանիելյանն ընդգծեց․ «Դա բացառապես թուրք-ադրբեջանական ծրագիր է, այս ամեն ինչի գաղափարական առաջնորդը Փաշազադեն է․․․ Բացե՛ք Փաշազադեի գրառումները և ՔՊ-ական խմբակի առաջնորդներինը, կտեսնեք, որ մեկին մեկ նման են»։