Դալար գյուղում 30-ամյա երիտասարդի սպանությունից հետո անհայտ անձինք հրկիզել են սպանություն կատարողի տունը

1038

Շաբաթ, 16 հոկտեմբերի, 2021 թ., 15:00

Քիչ առաջ արտակարգ դեպք է տեղի ունեցել Արարատի մարզում։ Ժամը 12:15-ի սահմաններում Արտակարգ իրավիճակների նախարարության փրկարար ծառայության 9-11 օպերատիվ կառավարման կենտրոն ահազանգ է ստացվել, որ Դալար գյուղի Գրիբոյեդով փողոցի տներից մեկում հրդեհ է։ Ինչպես հայտնում է ֆոտոլրագրող Գ. Շամշյանը, ըստ նախնական տեղեկությունների, տունը պատկանում է նշված գյուղի բնակիչ՝ 20-ամյա Սերյոժա Սիմոնյանին, ով այսօր քննիչի որոշմամբ ձերբակալվել է համագյուղացուն՝ 30-ամյա Գևորգ Պետրոսյանին սպանելու կասկածանքով։

Քիչ առաջ հայտնի դարձավ, որ ՀՀ ոստիկանության պետ Վահե Ղազարյանի հրամանով աշխատանքից ազատվել է ոստիկանության Արարատի մարզային վարչության պետ Գրիշա Ամիրխանյանը։

Մանրամասները՝ սկզբնաղբյուրում: