«Ադրբեջանի վրա ճնշումը մենք ու միայն մենք պետք է բանեցնենք». Արմեն Այվազյան

Մատենադարանի ավագ գիտաշխատող Արմեն Այվազյանի ֆեյսբուքյան գրառումը. «Կա՞ գեթ մեկ պետություն, որն Ադրբեջանի վրա ճնշում է բանեցնում՝ հայ գերիներին Հայաստան վերադարձնելու ուղղությամբ։ Ո՛չ, չկա։

Հետևություն. այդ հարցում Ադրբեջանի վրա ճնշումը մենք ու միայն մենք պետք է բանեցնենք։ Մյուսները պարզապես շահագրգռված չեն։ Երևանի կառավարությունն ու «ընդդիմությունը» եթե դրածո չլինեին, ճնշման ձևերն է՛լ, միջոցներն, է՛լ արդեն գտնվել ու կիրառվել էին։ Այդպիսի ձևեր ու միջոցներ կան և՛ ներսում, և՛ միջազգային ասպարեզում։ Իսկ այժմ ամեն մի հայ գերու դիմաց Հայաստանից տասնապատիկ ավել զիջումներ են կորզում և՛ Ադրբեջանն ու Թուրքիան, և՛ միջնորդները։

ՀԱՅԿԱԿԱՆԱՑՆԵԼ Է ՊԵՏՔ ՀԱՅԿԱԿԱՆ ՔԱՂԱՔԱԿԱՆ ԴԱՇՏԸ»։