«Կկարողանա՞ Վրաստանը լուծել այդ հարցը». Հակոբ Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրում է. «Իհարկե, հաճելի է լսել, թե ինչպես է Վրաստանի նախագահը հայտարարում, որ ռեգիոնը չի կարող պատկանել մեկ երկրի, լինի Ռուսաստան, Իրան, թե Թուրքիա: Ամբողջ հարցն այն է սակայն, որ ռեգիոնը չգիտեմ, բայց Վրաստանը ցավոք սրտի գրեթե «պատկանում» է մեկ երկրի, կամ մեկուկես երկրի՝ Թուրքիայի ու Արդրբեջանի: Դրանք ունեն Վրաստանի վրա ահռելի ազդեցություն: Կկարողանա՞ Վրաստանը լուծել այդ հարցը: Սա է խնդիրը: Այս հարցում կարող է օգնել միայն ԱՄՆ: Բայց հարցն էլ թերևս այն է, որ ԱՄՆ համար Վրաստանի հանդեպ Թուրքիայի ազդեցությունը Ռուսաստանի հավակնության հակազդեցության միջոց է: Այդ իրավիճակն էլ պարբերական պարեկության են ենթարկում Սև ծով մտնող ու դուրս եկող ամերիկյան ռազմանավերը»: