«ԳՇ պետը, բյուրոկրատական քաշքշուկներ ստեղծելով, ձախողում է նաև այս գործը». Վարուժան Ավետիսյան

«Պետք է արձանագրենք, որ որևէ գործում արդյունավետ միջոցներ չի ձեռնարկել Գլխավոր շտաբի պետ Արտակ Դավթյանը՝ պաշտպանական բնագծի սարքավորման և կահավորման համար: Խոսքը նվազագույն պատշաճի մասին է»,- այսօր ՊՆ-ի դիմաց ԱԺԲ-ի հրավիրած հավաքի ժամանակ ասաց Բևեռի խորհրդի անդամ Վարուժան Ավետիսյանը:

Անդրադառնալով սպառազինության հետ կապված խնդիրներին, Վ. Ավետիսյանը նշեց. «ԳՇ պետը միջոցներ չի ձեռնարկել նաև անհրաժեշտ իրական, լուրջ սպառազինություն ձեռք բերելու և ՀՀ-ում դրանց հնարավոր տեսակներն արտադրելու և ունենալու ուղղությամբ՝ չնայած այն հանգամանքին, որ մենք ունենք ԱԹՍ-ներ արտադրելու լուրջ ներուժ: ԳՇ պետը, տարատեսակ բյուրոկրատական քաշքշուկներ ստեղծելով, ձախողում է այս գործը ևս»:

Հիշեցնենք՝ ԱԺԲ-ն ՊՆ-ից պահանջում է կազմակերպել սահմանամերձ բնակչության անվտանգությունը՝ զինելով թե՛ տեղաբնակներին, թե՛ կամավորականներին: