Հինգշաբթի, 02 դեկտեմբերի, 2021 թ.
|
Ստեփանակերտում`   +7 °C

«Երբ թուրքը Սյունիք և Գեղարքունիք էր ներխուժում, ՌԴ ԳՇ քարտեզները չկայի՞ն»․ Ո․ Սարգսյան

«Երբ թուրքը Սյունիք և Գեղարքունիք էր ներխուժում, ՌԴ ԳՇ քարտեզները չկայի՞ն»․ Ո․ Սարգսյան
112
Երեքշաբթի, 23 նոյեմբերի, 2021 թ., 18:54

Լրագրող Ոսկան Սարգսյանի գրառումը․ «ԵՐԲ ԹՈՒՐՔԸ ՍՅՈՒՆԻՔ ԵԻ ԳԵՂԱՐՔՈՒՆԻՔ ԷՐ ՆԵՐԽՈՒԺՈՒՄ, ՌԴ ԳԼԽԱՎՈՐ ՇՏԱԲԻ ՔԱՐՏԵԶՆԵՐԸ ՉԿԱՅԻ՞Ն
Նոյեմբերի 25-ին ԱԺ-ում մասնակցելու եմ սահմանագծման և սահմանազատման վերաբերյալ քննարկման, ուր առաջադրելու եմ մի քանի լուրջ հարցեր։ 2018թ․ գարնանը իշխանության եկած, այդ ժամանակ բնակչության բացարձակ մեծամասնության վստահությունը վայելող Նիկոլ Փաշինյանը ինչո՞ւ չէր խոսում սահմանագծման և սահմանազատման մասին, այդ մասին հայտարարեց միայն պատերազմում պարտվելուց հետո, ՌԴ Գլխավոր շտաբի քարտեզները, որոնցով նախատեսվում է դեմարկացիա և դելիմիտացիա անել, չկայի՞ն, երբ Ադրբեջանը զավթեց Սյունիքի և Գեղարքունիքի տարածքները, եթե սահմանագծում և սահմանազատում չէր արվել, ինչպե՞ս էր Նիկոլ Փաշինյանը որոշել, որ Գորիս-Կապան ավտոճանապարհի մի հատված ադրբեջանական տարածք է։ Ադրբեջանն իրեն խորհրդային Ադրբեջանի իրավահաջորդ չի համարում, այդ դեպքում ինչպե՞ս ենք հիմք ընդունում խորհրդային շրջանի, ՌԴ Գլխավոր շտաբի քարտեզները։ Նիկոլ Փաշինյանը հայտարարել է, թե սահմանագծումը և սահմանազատումը պարսպի նման կպաշտպանեն Հայաստանի սահմանները, նման կարող էր հայտարարել կատարյալ ապուշը, կամ՝ դավաճանը։ Սահմանագծման և սահմանազատման հետևանքով ներկայումս Ադրբեջանի վերահսկողության տակ գտնվող Տավուշի մարզի տարածքից հազարավոր հեկտար հողատարածքները վերադարձվելո՞ւ են Հայաստանին։ Ես չեմ հավատում դրան, Նիկոլ Փաշինյանը միայն հողեր է հանձնում, ոչ թե՝ վերադարձնում»։

Աղբյուրը`   Ոսկան Սարգսյան