Շաբաթ, 27 նոյեմբերի, 2021 թ.
|
Ստեփանակերտում`   +5 °C

«Վաղը ՀՀ վարչապետը նախատեսում է կարևոր փաստաթուղթ ստորագրել». ՔՊ-ական նախկին պատգամավոր

«Վաղը ՀՀ վարչապետը նախատեսում է կարևոր փաստաթուղթ ստորագրել». ՔՊ-ական նախկին պատգամավոր
125
Հինգշաբթի, 25 նոյեմբերի, 2021 թ., 22:08

ՔՊ-ական նախկին պատգամավոր Տաթիկ Հայրապետյանի գրառումը․ «Վաղը ՀՀ վարչապետը նախատեսում է ՀՀ և Արցախի հետագա ճակատագրի հետ կապված կարևոր փաստաթուղթ ստորագրել, որի մանրամասները ոչ ոք չգիտի: Փաշինյանը նշել է, որ դա փոխվել է երեք անգամ և թե ինչ տարբերակ է ստորագրվելու՝ անհայտ է: Իսկ դրա նախօրեին ներկայացվեց ԱԺ նախագահի մեքենայի գնման մասին տեղեկությունը, որով ամբողջությամբ փոխվեց քննարկումների ուղղությունը: Տեղեկատվական այս քայլերը շատ արդյունավետ են իշխանությունների համար իրենց գործողությունների հետևանքները, ստորագրվելիք թղթերը պետության և ՀՀ քաղաքացիների հետագա ճակատագրի առումով կոծկելու տեսանկյունից: Մեքենայի հարցը, եթե անգամ բարկացրել է քաղաքացիներին, ապա դա շտկելի է, բայց պետության և պետական սահմանների վերաբերյալ չհաշվարկված ու վտանգավոր քայլերի իրականացումը իսկապես կարող է ճակատագրական դառնալ մեր պետության (այդ թվում՝ Արցախի) համար»: