ՏԻՄ ընտրություններին ընտրողների մասնակցությունը` 17.00-ի դրությամբ

564

Կիրակի, 05 դեկտեմբերի, 2021 թ., 19:06

Հայաստանում ՏԻՄ ընտրություններին ընտրողների մասնակցությունը 17.00-ի դրությամբ՝ քվեարկության ավարտից 3 ժամ առաջ, կազմել է 33,8 տոկոս (քվեարկել է 1 մլն. 112 հազար 396-ից 376003 քաղաքացի): Այդ տվյալները հրապարակել է Կենտրոնական ընտրական հանձնաժողովը:

Երկրի երրորդ քաղաքում՝ Վանաձորում, այդ ժամին քվեարկել է 29,01տոկոսը (26744-ը 91182-ից): հենց այդտեղ համամասնական համակարգով, այսինքն՝ ըստ կուսակցությունների, Ավագանու ընտրություններն ացկացվում են արդեն երկրորդ անգամ: Մնացած 35 խոշորացված համայքներում, որոնք հիմնականում համապատասխանում են խորհրդային տարիներին գոյություն ունեցող շրջաններին, համամասնական համակարգով ընտրություններն անցկացվում են առաջին անգամ: Նրանք կընտրեն ՏԻՄ նոր ղեկավարներ: