«Խոստանում եմ իմ ելույթում ձեզ մանրամասն հիշեցնել այդ մասին»․ Մանուկյանը՝ Սողոմոնյանին

«Քաղաքացիական պայմանագիր» խմբակցությունը Հաշվեքննիչ պալատի անդամի թափուր տեղի թեկնածու է առաջադրել Եղիշե Սողոմոնյանին։

Այսօր՝ ԱԺ նիստի ժամանակ, «Հայաստան» խմբակցության պատգամավոր Արեգնազ Մանուկյանը, դիմելով Սողոմոնյանին, հարցրեց․ «Ակնկալվում է, որ Հաշվեքննիչ պալատի անդամի թեկնածուն անբասիր կենսագրություն պետք է ունենա։ Տարբեր տարիներին տարբեր ընկերություններում պաշտոներ զբաղեցնելու ժամանակ երբևէ տուգանքների ենթարկվե՞լ եք, օրինակ, հարկեր թաքցնելու համար»։

«Ընդհանրապես, երբ որ ստուգումներ են լինում ընկերություններում պատասխանատվության ենթարկվում է ընկերությունը։ Որպես ընկերության ֆինանսական գծով տնօրեն՝ ամենաշատը վարչական պատասխանատվության կարող էի ենթարկվել»,- ասաց Սողոմոնյանը՝ նշելով, որ չի հիշում նման դեպք, միգուցե մեկ-երկու դեպք եղած լինի։

«Ես ձեզ խոստանում եմ, որ իմ ելույթում մանրամասն ձեզ կհիշեցնեմ այդ մասին»,- ի պատասխան ասաց Մանուկյանը։